Page:Madeleine de Scudéry - Clélie, histoire romaine - Volume 02.pdf/465

eſt ſans doute plus malheureux qu’vn autre : car enfin ſelon toutes les apparences, Clelie deſguiſera ſon nom. De plus, les Dames qui ſont auec elle ne le ſçauent peut-eſtre pas : & ne connoiſſent pas meſme Horace pour ce qu’il eſt : ainſi il faut attendre en repos que le temps vous aprenne ce que vous ne ſçauez point. Comme Celere parloit ainſi, Amilcar ſortit du Palais, qui les vint ioindre, auec Artemidore, & Zenocrate : mais il auoit dans l’air du viſage autant d’eniouëment qu’Aronce auoit de melancolie dans le cœur. Cependant à peine fut-il aupres de luy, que prenant la parole ; venez, luy dit-il, venez, & ne craignez rien ; i’ay deſia apriuoiſé le Tigre qui vous fait tant de frayeur : & il ne tiendra qu’à vous que ie ne vous face voir que ie dis vray : & que vous ne ſoyez bien toſt en eſtat de proteger Clelie s’il luy vouloit nuire, ce que ie ne