Page:Madeleine de Scudéry - Clélie, histoire romaine - Volume 02.pdf/453

tes les autres, qu’on ne les regardoit preſque point. Les choſes eſtant donc en cét eſtat, la Grande Veſtale prit la parole auec autant de hardieſſe que d’eloquence : & s’adreſſant à Tarquin ; Seigneur, luy dit-elle, nous venons vous demander vne choſe ſi iuſte, que ie deurois ſeulement vous dire quelles ſont nos pretentions, ſans les apuyer d’aucunes raiſons, ſi ie ne ſçauois bien que la Charte que i’ay m’oblige à les dire toutes. Ie ne m’arreſteray pourtant pas Seigneur, à vous dire noſtre Origine : car vous qui ſçauez toutes choſes, ne pouuez ignorer qu’elle eſt beaucoup plus ancienne que Rome. Mais ie prendray la liberté de vous dire, que depuis que Romulus nous a fait venir d’Albe, iuſques à auiourd’huy, nul des Rois qui ont regné dans cette Ville, n’a enfreint le moindre de nos Priuileges : & que nous auons touſiours eſté