Page:Madeleine de Scudéry - Clélie, histoire romaine - Volume 02.pdf/452

le furent auſſi beaucoup, de voir Celere, & Aronce : ils cacherent pourtant tous ces diuers ſentimens de leur cœur, & ſe tinrent meſme chacun à leur place pour voir ce qui ſe paſſoit. Et en effet la choſe eſtoit digne de curioſité : car Verenie eſtoit vne Perſonne qui auoit eſté admirablement belle, & qui auoit encore tres bonne mine : la Veſtale qui l’accompagnoit n’auoit pas plus de vingt-cinq ans, & eſtoit vne des plus agreables Perſonnes du monde : ſi bien que ces deux Veſtales s’eſtant approchées de Tarquin, toutes les Dames Captiues ſe rangerent derriere elles, pour attendre l’Arreſt qui les deuoit mettre en liberté, ou leur donner des Fers bien peſans : de ſorte que cela faiſoit vn fort bel obiet : car toutes ces Dames eſtoient belles, ou agreables. Il eſt vray que la beauté de Clelie ſurpaſſoit de ſi loin celle de tou-