ainſi quoy qu’Herminius aimaſt infiniment plus Aronce qu’Horace, il ſe chargea de conduire ſon Riual à Ardée, & il ſe mit dans vn Party oppoſé à celuy où la Fortune engageoit Aronce contre ſon inclination, & où il eſtoit engagé par honneur, par vangeance, & par vertu. Mais comme ils eſtoient embarraſſez à imaginer comment ils pourroient ſecourir celuy qui eſtoit eſtendu ſur l’Herbe, ils s’aperçeurent qu’il expiroit : ſi bien qu’apres cela Celere ayant mis Horace derriere Herminius, Aronce & luy les eſcorterent iuſques à ce qu’il fuſſent à vn petit ſentier détourné, par où Horace dit que l’on pouuoit aller à Ardée ſans danger d’eſtre pris par les Troupes de Tarquin, parce qu’il y auoit vne petite Riuiere entre cét endroit & les Ennemis : de ſorte que de cette façon, l’amitié qu’Aronce auoit pour Herminius, & ſa propre
Page:Madeleine de Scudéry - Clélie, histoire romaine - Volume 02.pdf/433
Cette page n’a pas encore été corrigée
