Page:Madeleine de Scudéry - Clélie, histoire romaine - Volume 02.pdf/430

cher Amy, repliqua Horace, vous vous trompez : car quelque genereux que ſoit Aronce, il porteroit ſans doute ma teſte à l’iniuſte Tarquin, afin de deliurer Clelie. Tu te trompes toy meſme Horace (s’eſcria Aronce, en s’auançant vers luy) & pour te teſmoigner que ma vertu eſt plus grande que tu ne penſes, ie m’en vay prier Herminius qui eſt ton ancien Amy, de te mettre en croupe derriere luy, & de te mener à Ardée. Horace qui eſtoit apuyé contre vn Arbre, & qui eſtoit bleſſé à la hanche, fut ſi ſurpris d’entendre la voix de ſon Riual, & de le voir aupres de luy (car la Lune s’eſtoit leuée) & Herminius & Celere eurent tant d’admiration pour la vertu d’Aronce, qu’ils furent quelque temps ſans parler. Pour celuy qui eſtoit auec Horace, & qui eſtoit eſtendu ſur l’Herbe, parce qu’il eſtoit mortellement bleſſe, il en fut ſi charmé, que