le choſe fâcheuſe que ie trouue en ce deſſein, c’eſt que ie ne pourray vous ſuiure à Rome : c’eſt pourquoy ie penſe qu’il vaut mieux me ietter dans Ardée, où i’auray du moins la ſatiſfaction de nuire à celuy qui me veut perdre, & à l’Ennemy de tous les Gens de vertu. Comme Herminius diſoit cela, Celere qui aidoit à Aronce à tenir ſon Cheual, entendit parler quelqu’vn à leur droite, qui ſembloit ſe pleindre. De ſorte qu’y ayant fait prendre garde aux autres, ils entendirent effectiuement que quelqu’vn ſe pleignoit, & qu’il ſe pleignoit fort douloureuſement. Si bien qu’Aronce apres eſtre remonté à cheual, dit à Herminius & à Celere, qu’il falloit aller du coſté que venoit cette voix pleintiue : car enfin, dit-il, c’eſt particulierement aux malheureux, à aſſiſter ceux qui le ſont. Comme Herminius n’auoit pas le cœur moins
Page:Madeleine de Scudéry - Clélie, histoire romaine - Volume 02.pdf/427
Cette page n’a pas encore été corrigée
