Page:Madeleine de Scudéry - Clélie, histoire romaine - Volume 02.pdf/409

veû Clelie, & tu l’as veuë dans Ardée ? Ouy Seigneur, reprit-il, ie l’ay veuë dans vn Temple, & ie ſçay la Maiſon où elle loge : mais ie ne luy ay pû parler, ny n’ay pû meſme me faire voir à elle, quelque ſoin que i’y aye aporté : car comme Horace l’accompagnoit, ie n’ay oſé m’en aprocher, parce que comme vous le ſçauez, il me connoiſt, & que i’ay eu peur qu’il ne m’arreſtaſt. Cependant i’ay ſçeu qu’il vit auec beaucoup de reſpect auec Clelie, mais qu’il la garde fort ſoigneuſement : car elle ne va qu’au Temple, & elle n’y va point ſans qu’Horace la ſuiue. Elle a meſme vne Fille auec elle qui l’obſerue tres ſoigneuſement, à ce que i’ay ſçeu par ceux à qui ie m’en ſuis informé. On dit auſſi qu’Horace s’empreſſe extrémement pour perſuader à ceux de la Ville de faire vn plus grand effort pour ſe deffendre, que celuy qu’ils