Page:Madeleine de Scudéry - Clélie, histoire romaine - Volume 02.pdf/396

certaine langueur d’eſprit, & dans vne agreable faineantiſe, qui auroit quelque choſe de tout à fait charmant. Ha pour la faineantiſe vous auez raiſon, tous les honneſtes Gens n’auroient rien à faire. En effet, pourſuiuit-il, s’il n’y auoit point d’ambition, on voit cent mille Gens aller & venir par le Monde, qui ne feroient rien de ce qu’ils font, & qui ne feroient nulle autre choſe. Si on oſtoit à vn Amant la paſſion qui le poſſede, il deuiendroit fort oiſif : ſi on oſtoit à vn Braue celle d’aquerir de l’honneur, il n’iroit point à la Guerre : de ſorte que les Rois eſtant ſans ambition, n’auroient que faire de Soldats : & les Braues n’ayant pas la paſſion de la gloire, demeureroient paiſiblement confondus auec les laſches, ſans auoir iamais rien à s’occuper. Ie croy meſme que les Champs ne ſeroient point cul-