exiler : car il faudroit vous raconter l’Hiſtoire de toute ma vie, que ie ne veux pas confondre auec celle d’vn ſi méchant homme. Cependant comme ie ſuis equitable, i’auoüeray que des autres Enfans qu’il a, il y en a trois qui meritoient d’auoir vn Pere moins cruel, & vne Mere plus vertueuſe. Car le ſecond de ſes Fils, qui s’apelle Aruns en ſon premier nom, & que l’on appelle preſentement le Prince de Pometie, parce qu’il ſe ſignala à la priſe de cette Ville, eſt vn Prince admirable en toutes choſes. Le troiſieſme, qui s’apelle Titus, a auſſi toutes les inclinations fort nobles : & la Fille de Tarquin, qui eſt mariée, a toute la douceur & toute la modeſtie d’vne honneſte Femme. Mais pour le Prince Sextus, qu’on apelle auſſi bien ſouuent le ieune Tarquin, il eſt fort different des Princes ſes Freres, quoy qu’il ne ſoit pourtant pas tel que Tarquin le Su-
Page:Madeleine de Scudéry - Clélie, histoire romaine - Volume 02.pdf/390
Cette page n’a pas encore été corrigée
