Page:Madeleine de Scudéry - Clélie, histoire romaine - Volume 02.pdf/389

quin garde touſiours les apparences aux choſes de la Religion, il enuoya deux de ſes Fils à Deſphes auec vne Offrande magnifique. Il eſt vray qu’ils y furent ſuiuis d’vn Neueu de Tarquin, que l’on apelle preſentement Brutus, quoy que ſon nom ſoit effectiuement Lucius Iunius : mais on l’apelle ainſi, parce qu’en effet ſa ſtupidité a quelque raport auec les Brutes. Il eſt pourtant en eſtat de faire enuie aux plus ſages : car il eſt certain que ſa folie le met plus en ſeureté de la Tyrannie de Tarquin, que leur ſageſſe. En effet, il auoit vn Frere de beaucoup d’eſprit, que Tarquin a fait mourir : mais pour celuy-cy, comme il l’a veû incapable de luy nuire, il s’eſt contenté de prendre tout ſon Bien qui eſt fort grand, ſans le ſacrifier à ſa cruauté. Ie ne m’arreſte point à vous dire en détail toutes ſes iniuſtices, ny les raiſon qui m’ont fait