Page:Madeleine de Scudéry - Clélie, histoire romaine - Volume 02.pdf/388

remonies. Cependant ceux qu’il aſſembla ayant trouué qu’il deuoit auoir ces Liures à quelque prix que ce fuſt, il donna alors à la Sybile ce qu’elle luy auoit demandé : apres quoy elle s’en alla. Le Peuple dit pourtant qu’elle diſparut : & ceux qui penſent le mieux ſçauoir les choſes, aſſurent que Tullie craignant qu’elle n’aquiſt trop de pouuoir ſur l’eſprit de Tarquin, luy fit commander de ſortir de Rome. Quoy qu’il en ſoit, ces Liures furent donnez en garde comme des Liures Sacrez, que l’on conſulte ſur toutes choſes : mais afin que Rome eſprouuaſt toutes ſortes de malheurs, il y eut vne Maladie contagieuſe, dont on n’auoit iamais entendu parler, qui fut ſi mortelle, principalement pour les ieunes Enfans, qu’il n’y eut pas une Famille dans Rome, qui n’euſt quelque ſuiet de pleurer. De ſorte que comme Tar-