Page:Madeleine de Scudéry - Clélie, histoire romaine - Volume 02.pdf/381

tion. Il fit meſme perir vn homme apellé Herdonius, par vne ſuppoſition effroyable : & il le fit charger de Chaiſnes, & ietter en vn lieu où il ſe noya. Il eſt vray qu’il prit la Ville de Pometie auec aſſez d’honneur : & qu’il parut eſtre aſſez grand Capitaine en cette recontre : mais il prit auſſi en ſuite la Ville des Gabiens par vne ruſe ſi terrible, que ſi elle n’apartenoit pas autant au Prince Sextus ſon Fils qu’à luy, ie vous la raconterois tout du long. Mais enfin apres auoir deſolé cette Ville, & auoir mis tous les Biens des Riches entre les mains du Peuple, à la reſerue de ce qu’il en retint pour luy, il ſongea à iouïr de la Paix : & pour ſeruir à ſa gloire, pour amuſer ce Peuple, & pour pretexter les iniuſtices qu’il faiſoit en ruinant tout le monde, il ſe mit en eſtat d’acheuer ce magnifique Temple de Iupiter, dont le