Page:Madeleine de Scudéry - Clélie, histoire romaine - Volume 02.pdf/375

grande ſageſſe, il n’eſt pas eſtrange ſi lors qu’elle ſortit de Rome auec feu mon Pere, le peuple en murmura, & dit tout haut que Tarquin en banniſſoit la vertu, en banniſſant Siuelia. Mais pour en reuenir où i’en eſtois, vous ſçaurez que feu mon Pere tombant donc malade, & ſentant qu’il n’en eſchaperoit pas, parla à Siuelia comme vn homme qui ne craignoit pas les aproches de la mort : de ſorte que ma Mere voyant ſa fermeté, & ne voulant pas l’attendrir en luy montrant toute la douleur qu’elle auoit, en cacha vne partie : & faiſant vn grand effort ſur elle meſme, elle luy parla auec vne conſtance extraordinaire. Il pourra eſtre Seigneur, luy dit-elle, que les Dieux vous redonneront à mes vœux & à mes prieres : mais en cas que ce bonheur ne m’arriue point, ie voudrois bien ſçauoir ce qu’il vous plaiſt que ie face, &