le cruel Tarquin auoit fait, qu’elle monta diligemment dans vn Chariot pour aller au lieu où le Senat eſtoit aſſemblé : & faiſant apeller ſon Mary, elle luy dit qu’elle venoit luy rendre le premier hommage, & le ſaluër comme Roy de Rome. Il eſt vray que comme il auoit alors des choſes plus preſſées à faire, il luy dit qu’il luy conſeilloit de ne demeurer pas plus long temps parmy vne foule de Peuple où la tranquilité n’eſtoit pas encore eſtablie : & en effet Tullie rentra dans ſon Chariot. Mais comme celuy qui le conduiſoit fut arriué au haut de la Ruë Cyprienne, & qu’il voulut tourner à main droite, pour aller gagner en deſcendant le pied du Mont Eſquilin, il aperçeut le Corps de Seruius Tullus, tout couuert de Sang & de pouſſiere. De ſorte que voyant vn ſi funeſte ſpectacle, il retint la Bride de ſes Che-
Page:Madeleine de Scudéry - Clélie, histoire romaine - Volume 02.pdf/364
Cette page n’a pas encore été corrigée
