Page:Madeleine de Scudéry - Clélie, histoire romaine - Volume 02.pdf/357

reuſe Tullie, repliqua ce Prince, il ne faut point que vous craigniez que ie recule d’vn pas : & il ne faut pas meſme mettre en doute l’heureux ſuccés de mon deſſein. Soyez donc aſſurée que vous ſerez Reine deuant que le Soleil ſe couche : & que vous ne me reuerrez que ſur le Throſne. Apres cela ce Prince inhumain la quitta : & fut, ſuiuy d’vn grand nombre de Gens armez, à vn lieu qui eſt à la grande Place où l’on fait les Aſſemblées. Mais en y arriuant, le Crieur public, qui eſtoit gagné par ce Prince, commanda tumultuairement aux Senateurs de s’aſſembler, & de ſe rendre aupres du Roy Tarquin, pour entendre ſes volontez. Cependant Seigneur, il faut que vous ſçachiez que ce qui fit pluſtoſt reüſſir le deſſein de ce Prince, fut que le premier Tarquin auoit augmentné le Senat d’vn fort grand nombre : ſi bien que tous les