la faineantiſe, comme on dit que les voluptueux l’y trouuent. Mais pour moy, puis que Tanaquil, qui n’eſtoit qu’vne Femme eſtrangere, a bien eu la hardieſſe & le bonheur de ſe mettre en eſtat de diſpoſer trois fois de la Couronne, ſoit en la perſonne de ſon Mary, ou en celle de ſon Gendre ; ie veux du moins la voir vne fois en ma diſpoſition : & n’attendre pas dauantage qu’il plaiſe à Tullus de remettre la puiſſance au Senat qui ne vous la rendroit pas : ou d’attendre ſa mort, qui n’arriuera peut-eſtre de long temps. Parlez donc Tarquin, voulez vous eſtre Eſclaue, ou voulez vous eſtre Roy ? En vous diſant que ie veux eſtre digne de vous, repliqua-t’il, ie vous dis ce me ſemble tout ce que ie vous dois dire : mais afin de vous faire voir que vous m’accuſez à tort, ie veux bien vous deſcouurir les raiſons qui m’ont obligé de differer
Page:Madeleine de Scudéry - Clélie, histoire romaine - Volume 02.pdf/347
Cette page n’a pas encore été corrigée
