Page:Madeleine de Scudéry - Clélie, histoire romaine - Volume 02.pdf/317

pas qu’on la diſt : car ils en parloient en termes ambigus, qui le faiſoient aſſez connoiſtre. Cependant ce cruel Bourreau eſtoit touſiours là : & il eut meſme l’inhumanité de toucher le poux à cette deplorable Princeſſe, pour taſcher de iuger ſi elle auoit encore beaucoup à viure. De ſorte que cette admirable Perſonne, perdant vne partie de ſa patience en ce moment, retira ſon bras aſſez languiſſamment : & ſe tournant vers Tarquin auec vne langueur capable d’inſpirer de la compaſſion à la cruauté meſme ; ie vous demande pardon Seigneur, luy dit-elle en rougiſſant, de vous faire tant attendre, & d’eſtre ſi long temps à mourir : mais ce n’eſt pas ma faute (adiouſta-t’elle en ſe tournant de l’autre coſté) car i’ay pris tout le Poiſon qu’on m’a donné, & ie n’y cherche point de remede. Ces paroles ne furent pourtant en-