Page:Madeleine de Scudéry - Clélie, histoire romaine - Volume 02.pdf/315

me faire mourir doucement : car pour guerir, adiouſta-elle en ſoupirant, ie ne le puis, ny ne le ſouhaite. Cependant au milieu de toute la haine qu’elle deuoit auoir pour ſon Mary, & pour ſa Sœur, & de toute l’amour qu’elle auoit pour le Prince d’Ameriole, elle ne dit rien de rude pour ceux qui la faiſoient mourir, ny rien de trop doux pour celuy qu’elle aimoit ſi tendrement : car elle ſe contenta d’ordonner tout bas à vne Perſonne qui ſçauoit tout le ſecret de ſon cœur, de dire à ce malheureux Prince, s’il eſtoit plus heureux qu’elle, qu’elle le prioit de ne vanger point ſa mort, & de conſeruer ſa mémoire : apres quoy elle demanda deux fois à voir le Roy, & à voir la Reine : mais quoy que Tarquin diſt qu’il les auoit deſia enuoyez aduertir, elle ne les vit pas : parce qu’il empeſcha qu’on n’y allaſt, diſant qu’il eſtoit trop tard,