Page:Madeleine de Scudéry - Clélie, histoire romaine - Volume 02.pdf/309

ſon à Tullie : apres quoy il entra dans la Chambre de la Princeſſe qui n’eſtoit pas dans vne petite inquietude, car cette Fille qui eſtoit à elle, luy auoit dit ce que Tarquin auoit fait. Si bien que comme le Prince d’Ameriole & elle eſtoient conuenus qu’ils deuoient s’aduertir de tout ce qu’ils arendroient, elle creût ſçachant que l’Eſclaue qui luy auoit apporté vn Billet eſtoit de chez luy, que c’eſtoit effectiuement ce Prince qui lu eſcriuoit. De ſorte que comme elle aimoit la gloire plus que toutes choſes, elle craignit extrémement que ce Billet ne perſuadaſt à Tarquin, qu’elle auoit quelque intelligence criminelle auec le Prince ſon Frere. Il eſt vray qu’elle ne fut pas long-temps en cette inquietude : car comme le cruel Tarquin la vouloit tromper, & qu’il iugea par la triſteſſe qu’il vit dans ſes yeux, quoy qu’elle le reçeuſt tres ciui-