Page:Madeleine de Scudéry - Clélie, histoire romaine - Volume 02.pdf/308

rer, quoy qu’ils fuſſent en vne inquietude eſtrange : car l’Eſclaue iugeoit bien que ce Billet deuoit eſtre fort important, veû comme on le luy auoit recommandé : & cette Fille penſoit bien auſſi qu’il deuoit eſtre de conſequence, veû l’opiniaſtreté que cét Eſclaue auoit euë à ne le luy donner pas, & à le vouloir donner luy meſme à la Princeſſe. Cependant il fallut qu’ils priſſent patience ; que l’Eſclaue s’en allaſt ; & que cette Fille rentraſt dans la Chambre de ſa Maiſtreſſe pendant que Tarquin liſoit ce Billet, où il trouua ce qu’il ne pensoit pas trouuer : en y trouuant l’aduertiſſement qu’on donnoit à la Princeſſe de prendre garde à elle, parce qu’on la vouloit empoiſonner dés le ſoir. De ſorte que voyant que s’il ne faiſoit la choſe bien diligemment, il ne luy ſeroit pas aiſé de la faire, il alla promptement enuoyer du Poi-