Page:Madeleine de Scudéry - Clélie, histoire romaine - Volume 02.pdf/307

que cette Fille & cet Eſclaue l’euſſent entendu. Si bien que comme il eſtoit naturellement ſoubçonneux, & qu’il croyoit touſiours auoir intereſt à tout ce que diſoient des Gens qui parloient bas, il s’aprocha doucement de ces deux Perſonnes : mais comme il entendit leur conteſtation, & qu’il reconnut cét Eſclaue pour eſtre de chez le Prince d’Ameriole, ſa curioſité augmenta : de ſorte que prenant la parole ; pour vous mettre d’accord (dit-il bruſquement en arrachant le Billet des mains de celuy qui le tenoit) ie me charge de rendre ce que ie tiens à la Princeſſe, & d’en donner reſponſe à ceux qui le luy enuoyent quels qu’ils puiſſent eſtre. Vous pouuez penſer que la ſurpriſe de cét Eſclaue & de cette Fille fut fort grande : Tarquin eſtoit pourtant ſi redoutable à tous ceux qui le connoiſſoient, qu’ils n’oſerent murmu-