Page:Madeleine de Scudéry - Clélie, histoire romaine - Volume 02.pdf/281

qu’il auoit effectiuement à luy parler de quelque affaire importante, elle luy accorda ce qu’il luy demandoit : ſi bien que le faiſant aſſeoir aupres d’elle, elle ſe mit en eſtat de l’eſcouter. Ie ſuis au deſeſpoir Madame, luy dit-il, d’auoir à vous dire la choſe du monde la plus fâcheuſe : il vous importe pourtant tellement de la ſçauoir, que ie n’ay pû me reſoudre de vous la cacher, quoy qu’il me ſoit honteux de la deſcouurir. Mais auant que de vous expliquer cette funeſte Enigme, ſouffrez Madame, que connoiſſant voſtre auſtere vertu, ie vous coniure de croire que ie ne pretens tirer nul autre auantage de tout ce que ie vous diray, que celuy de conſeruer peut-eſtre la vie à la plus belle, & à la plus vertueuſe Perſonne du Monde en vous la conſeruant. Helas genereux Prince, luy dit-elle en ſoupirant, ie ne ſçay ſi c’eſt me rendre vn grand ſeruice que