Page:Madeleine de Scudéry - Clélie, histoire romaine - Volume 02.pdf/278

ble : neantmoins comme il connoiſſoit quelle eſtoit l’humeur de ſon Frere, & quelle eſtoit l’humeur de ſa Femme, il ne fut pas marry de ſçauoir leur intelligence à fonds. Pour cét effet, quoy qu’il ne fuſt pas ialoux, il employa tous ſes ſoins à la deſcouurir : & il fit ſi bien que l’Eſclaue qui portoit leurs lettres fut abſolument à luy. De ſorte qu’ayant fait faire ſecretement vn Cachet comme le leur (car ils en auoient de ſemblables) il vit vne Lettre de Tarquin à Tullie, & la reſponce de Tullie à Tarquin. Mais comme ces deux Lettres eſtoient les plus terribles Lettrres d’amour qu’on ait iamais veuës, & qu’elles ont eſté aſſez publiques, il n’y a pas vn homme à Rome qui haïſſe Tarquin qui ne les ſçache : c’eſt pourquoy ie les ſçay meſme mieux que les autres, parce que ie ſuis perſuadé que ie haïs plus ſon