Page:Madeleine de Scudéry - Clélie, histoire romaine - Volume 02.pdf/276

ny Rois, ny Royaumes, ny ineſgalité de condition. C’eſt pour quoy ſans nous arreſter à ces Loix que ceux qui ne les veulent point ſuiure ont faites, faiſons ſeulement tout ce qui nous peut ſeruir, ſans nous amuſer à examiner de ſi prés s’il eſt iuſte ou iniuſte. Voila donc, genereux Artemidore, quelles eſtoient en ce temps-là les conuerſations de ces deux Perſonnes : que ie ne vous raconte pas exactement, parce que i’en ay encore de plus execrables à vous raconter. Cependant comme ils ne trouuoient pas touſiours aſſez d’occaſions de ſe parler, ils vinrent à s’eſcrire aſſez fouuent : ſi bien que comme il n’eſt pas aiſé que les Gens de cette condition ſe cachent long temps, la Princeſſe ſçeut bien toſt qu’il y auoit vne intelligence ſecrete entre ſa Sœur & ſon Mary : & le Prince d’Ameriole ſçeut de ſon