Page:Madeleine de Scudéry - Clélie, histoire romaine - Volume 02.pdf/262

choſes tres touchantes à cette vertueuſe Princeſſe, où elle reſpondit auec autant de tendreſſe que de vertu. Si bien que trouuant vn nouueau ſuiet d’admiration en leurs propres infortunes, par les grands ſentimens qu’elles leur donnoient, ils s’en aimerent plus tendrement. Cependant quoy que cela fuſt ainſi, leur vertu fut toûiours plus forte que leur amour : & quoy que le Prince d’Ameriole pûſt dire à la Princeſſe, il ne pût rien obtenir dauantage. Il eſt pourtant certain que quoy qu’elle le deſeſperaſt, il ne s’emporta point, & qu’il ne prit aucune reſolution violente. Mais durant que ces deux Perſonne s’entretenoient ainſi, l’ambitieux Tarquin, & l’ambitieuſe Tullie, s’entretenoient d’vne maniere bien differente : car à peine furent-ils en liberté de ſe parler, que Tarquin (qui connoiſſoit bien que Tullie ne l’auoit engagé à l’entretenir