Page:Madeleine de Scudéry - Clélie, histoire romaine - Volume 02.pdf/243

tiens au contraire, dit le Prince d’Ameriole qu’il faut ſacrifier ſon ambition à ſon amour. Pour moy (dit la Princeſſe en détournant la teſte, pour ne rencontrer pas les yeux du Prince d’Ameriole) comme ie n’ay ni amour ni ambition, ie ne puis dire mon ſentiment ſur cette diſpute : & tout ce que ie ſçay eſt que ie n’aimerois pas à eſtre ſacrifiée à nul autre intereſt ſi i’eſtois aimée de quelqu’vn. Vous eſtes ſi propre, luy repliqua Tarquin, à ſatiſfaire tout enſemble, & l’ambition & l’amour, que vous n’eſtes pas expoſée à cette auanture. Tullie entendant ce que diſoit ſon ambitieux Amant, en eut vne telle colere, qu’elle ſe leua & rompit la conuerſation : & regardant alors par quelle voye elle pourroit ſe vanger de Tarquin, & ſatiſfaire ſon ambition, elle s’imagina qu’elle auoit mal raiſonné, lors qu’elle auoit crû qu’il luy ſeroit