Page:Madeleine de Scudéry - Clélie, histoire romaine - Volume 02.pdf/217

re Tarquin & Tullie leur eſtoient touſiours ſi oppoſez, qu’il n’y auoit rien qui le pûſt eſtre dauantage : car il ne pouuoit iamais y auoir de conuerſation ſi indifferente où Tullie ne contrediſt la Princeſſe ſa ſœur, & le Prince d’Ameriole : & il n’y en auoit point auſſi où Tarquin fuſt de l’aduis du Prince ſon Frere. Ie me ſouuiens d’vn iour entre les autres, que ces deux Princes & ces deux Princeſſes eſtoient enſemble : car i’ay oüy dire à vne Perſonne qui s’y trouua, que la conuerſation de ce iour-là porta ſur deux choſes qui firent bien voir quels eſtoient les diuers ſentimens des deux Princeſſes, & des deux Princes. Vous ſçaurez donc que le Roy qui auoit vne veneration particuliere pour les Veſtales, trouuant que les quatre qui auoient deſia eſté inſtituées, auoient trop de peine à garder le Feu ſacré, voulut que le