Page:Madeleine de Scudéry - Clélie, histoire romaine - Volume 02.pdf/209

uent compoſer cette Hiſtoire, afin que vous compreniez mieux quels ont eſté les crimes de Tarquin. Vous ſçaurez donc que les deux Filles de Seruius Tullus eſtoient alors toutes deux belles, quoy qu’elles fuſſent differentes en toutes choſes. Elles ſe nommoient pourtant toutes deux Tullie : il eſt vray que pour les diſtinguer dans la Cour, on apelloit l’aiſnée la Princeſſe ſans dire ſon nom, & qu’on nommoit l’autre la Princeſſe Tullie. Mais à vous dire la verité l’aiſnée eſtoit l’aiſnée en toutes choſes : car elle eſtoit belle, pleine d’eſprit, douce, modeſte, ciuile, vertueuſe, & infiniment charmante. Sa beauté eſtoit brune, mais elle eſtoit de celles qui plaiſent : principalement par vne certaine langueur ſans affectation, qui inſpire la tendreſſe, & qui fait pluſtoſt naiſtre l’amour, qu’vn air plus brillant, & plus enioüé. Elle