Page:Madeleine de Scudéry - Clélie, histoire romaine - Volume 02.pdf/204

fait ; Tanaquil ſans s’amuſer à pleurer inutilement, fit fermer les Portes du Palais, afin que cette nouuelle ne ſe diuulgaſt pas ſi viſte : Elle encouragea Seruius Tullus à monter au Throſne : elle parla au Peuple par les Feneſtres, & luy dit que le Roy n’eſtoit pas mort, qu’il ſe portoit mieux, qu’ils le verroient bien toſt, & qu’en attendant, Seruius Tullus leur rendroit iuſtice. D’autre part Seruius eſtant ſorty du Palais auec la Robe Royale, que nous apellons Trabée, il fut effectiuement rendre iuſtice à quelques particuliers, faiſant ſemblant en examinant quelques affaires de s’en vouloir remettre au Roy, comme s’il n’euſt pas eſté mort : & effectiuement Tanaquil & Seruius Tullus agirent auec tant d’adreſſe, que la mort de ce Prince fut cachée durant quelques iours. Pendant quoy les Enfans d’Ancus Martius qui a-