magnifiques : car ce fut luy qui inſtitua les Ieux Circenſes, ſi celebres par toute l’Italie : & qui fit baſtir ce que nous apellons le Cirque, qui eſt entre le Mont Palatin & le Mont Auentin. Auſſi auoit il accouſtumé de dire, qu’il falloit qu’il y euſt diſtinction de toutes choſes entre les Rois & leurs ſuiets, meſme iuſques à leurs diuertiſſemens : & qu’il eſtoit abſolument neceſſaire qu’il y euſt vn Caractere de Royauté en toutes les actions d’vn Roy ; ſoit aux grandes ou aux petites choſes. Pour la Guerre, que n’y fit-il pas ? car il la fit glorieuſement aux Latins ; il Triompha des Sabins, & aſſuiettit Colatie, comme il auoit auparauant aſſuietty la Ville d’Appiole. Depuis ayant entrepris vne ſeconde Guerre contre les Peuples du Latium, il attaqua & prit preſques toutes leurs Places les vnes apres les autres : car il
Page:Madeleine de Scudéry - Clélie, histoire romaine - Volume 02.pdf/200
Cette page n’a pas encore été corrigée
