augmenta la force de Rome. En ſuite il eut encore Guerre contre les Sabins qu’il vainquit : mais apres auoir donné plus de la moitié de ſon Regne à imiter Romulus, il donna le reſte à l’imitation de Numa : car il deuint non ſeulement religieux comme luy, mais meſme ſuperſtitieux. Cependant vn coup de Foudre ayant finy ſa vie & ſon Regne, vn autre homme nommé Ancus Martius, qui eſtoit Fils d’vne Fille de Numa Pompilius, fut eſleu Roy de Rome : de ſorte que ſe piquant de la gloire de vouloir reſſembler à ſon Ayeul il commença de ſonger à faire obſeruer toutes ſes Ordonnances. Mais comme il craignoit que ſes voiſins ne vouluſſent tirer auantage de ſa pieté, il s’occupa à faire diuers Reglemens Militaires, où les choſes de la Religion auoient leur part : afin qu’ils viſſent qu’il penſoit à la Guerre au milieu de la
Page:Madeleine de Scudéry - Clélie, histoire romaine - Volume 02.pdf/193
Cette page n’a pas encore été corrigée
