que choſe de tous ceux qui l’ont precedé. Vous ſçauez donc que ſuiuant la premiere Loy que Romulus auoit eſtablie, qui portoit que le Peuple eſliroit les Rois, & que cette eſlection ſeroit confirmée ou refuſée par les ſenateurs qu’il auoit inſtituez ; vn homme d’vne haute vertu, nommé Numa Pompilius, fut eſleu Roy de Rome, d’vn conſentement vniuerſel : & certes ce n’eſtoit pas ſans raiſon : car il auoit ſans doute toutes l’auſterité de la vertu des Anciens Sabins dont il eſtoit deſcendu. Il eſtoit prudent, pacifique, & religieux : & l’on euſt dit enfin que les Dieux vouloient qu’il affermiſt par ſa prudence, & par pieté, le Throſne que Romulus auoit eſleué par la force, & par ſon courage. Auſſi n’employa-t’il les quarante trois ans qu’il Regna, qu’à regler les choſes de la Religion ; qu’à faire des Loix ; qu’à chaſſer les vices que la
Page:Madeleine de Scudéry - Clélie, histoire romaine - Volume 02.pdf/190
Cette page n’a pas encore été corrigée