Page:Madeleine de Scudéry - Clélie, histoire romaine - Volume 02.pdf/180

lors qu’on voit vne meſchanceté opiniaſtre, & vne longue ſuite de crimes, ie croy qu’on peut conclurre que ceux qui viuent ainſi, ne croyent pas qu’il y ait rien au deſſus de leur Teſte qu’ils doiuent craindre. En effet, dit Herminius, ſi Artemidore ſçauoit bien quelles ont eſté les actions de Tarquin ; quelles ont eſté ſes amours ; par quelle voye il eſt monté au Throſne ; par quels moyens il s’y eſt maintenu ; & quelles ſont ſes maximes, il croiroit aueque moy qu’il ne ſe ſoucie guere des Dieux. Comme i’auray peut-eſtre quelque choſe à traiter auec ce Prince, dit Amilcar, ie ne ſerais pas marry d’en ſçauoir toute la vie : en mon particulier, dit Artemidore, i’ay la plus grande curioſité du monde de la ſçauoir. Pour moy, adiouſta l’aimable Zenocrate, ie ſeray fort aiſe de l’aprendre : quoy que i’en ſçache deſia quelque