leur eſtrange de ne pouuoir rien aprendre de Clelie : & il eſtoit de plus en vn embarras terrible pour ce qui regardoit le Prince de Numidie. Mais malgré toutes ces inquitudes qui deuoient retarder ſa gueriſon, il guerit pourtant beaucoup plus promptement qu’on ne l’auoit eſperé. Le Prince de Numidie ſe porta auſſi mieux qu’on n’auoit penſé : ſi bien que Celere ne voyant plus rien qui pûſt empeſcher ces deux Riuaux de ſe voir, ſe trouua aſſez inquietté : car il ſçauoit que le Prince de Numidie ignoroit la paſſion d’Aronce pour Clelie, & qu’il mouroit d’enuie d’entretenir ſon Amy de celle qu’il auoit dans l’ame : & il ſçauoit au contraire qu’Aronce ſçachant qu’Aderbal aimoit ce qu’il aimoit, ne le pouuoit plus aimer. Il iugeoit meſme qu’il y auroit du danger à aprendre au Prince de Numidie la verité de la choſe,
Page:Madeleine de Scudéry - Clélie, histoire romaine - Volume 02.pdf/18
Le texte de cette page a été corrigé et est conforme au fac-similé.
