Page:Madeleine de Scudéry - Clélie, histoire romaine - Volume 02.pdf/177

ſur leur route, qui n’en eſtoit qu’à dix Mille, ils s’y arreſterent pour s’en informer : car comme Aronce ne ſçauoit pas trop bien s’il vouloit ſe ietter dans Ardée, ou aller trouuer Tarquin qui eſtoit encore à Rome, quoy qu’il y euſt deſia quelques Troupes aux enuirons de cette ville, & qu’on la pûſt dire inueſtie, il falut bien qu’il s’arreſtaſt : ioint qu’Herminius ne pouuoit pas le ſuiure ny au Camp, ny à Rome. Il vouloit bien s’aller ietter dans Ardée ; & comme Amy d’Aronce, & comme Ennemy de Tarquin, mais il ne pouuoit pas s’aller mettre entre les mains de ce Prince, auec qui il n’euſt pas meſme voulu ſe racommoder quand il l’euſt pû. De ſorte qu’apres eſtre arriuez à cette petite ville où ils s’arreſterent, ils reſolurent que comme Celere ne pouuoit pas eſtre connu à Rome, & qu’il n’y auoit point d’Ennemis, qu’il