Page:Madeleine de Scudéry - Clélie, histoire romaine - Volume 02.pdf/173

pour Herminius, pourueû qu’il ne ſoit point à Rome, où il n’oſe paroiſtre, il veut bien eſtre par tout où vous ſerez, & par tout où ie ſuis : & pour Zenocrate, il a la liberté de demeurer par toute la Terre, exepté en vn lieu ſeulement : & il a meſme l’auantage de s’accouſtumer aiſément, par tout où il y a bonne Compagnie. Il eſt vray, adiouſta-t’il, que pour Artemidore, il ne ſe peut trouuer heureux qu’en vn lieu où il ne peut eſtre : qu’il y a auſſi quelque choſe à Rome, qui fait qu’Herminius ne ſe trouue pas tout à fait bien ailleurs : mais apres tout, comme ils ne peuuent eſtre tous où ils voudroient, ils ſeront mieux aueque vous qu’en aucun autre lieu de la Terre ; c’eſt pour quoy c’eſt à vous à regler noſtre voyage : car pour ce qui me regarde, ie ſuis tout preſt à retourner ſur mes pas : & durant trois Mois vous pouuez faire de moy ce