vn homme qu’il ſuborna, & à qui il donna dequoy s’aller mettre à couuert de la colere de Porſenna. Ainſi apres auoir laiſſé des Lettres pour le Roy ſon Pere, pour Galerite, & pour la Princeſſe des Leontins, il partit de Cluſium durant vne de ces belles nuits où la multitude des Eſtoiles diſſipant l’horreur de l’obſcurité, par vne ſombre lumiere, fait que ſans Soleil, & ſans Lune, on ne laiſſe pas de pouuoir voyager ſans grande incommodité : & de pouuoir reconnoiſtre le chemin qu’on veut tenir. Mais à peine Aronce eut-il fait trois ou quatre Mille, qu’il ſentit vn ſoulagement fort grand à la douleur : car quelque extraordinaire que fuſt la choſe qu’il faiſoit, il la faiſoit ſans peine, parce qu’il la faiſoit pour Clelie. En effet quand il penſoit que peut-eſtre vn iour elle luy en ſçauroit gré ; qu’elle luy en tiendroit
Page:Madeleine de Scudéry - Clélie, histoire romaine - Volume 02.pdf/162
Le texte de cette page a été corrigé et est conforme au fac-similé.
