ſeulement, iuſques aux Portes de Perouſe : ordonnant à toute l’Armée de le ſuiure : & il y eſtoit allé auec intention d’enuoyer demander à Mezence & la Reine ſa Femme, & Aronce. Mais comme il eſtoit preſt d’executer ſon deſſein, Sicanus qui auoit eu intention d’aller à l’Armée pour aduertir Nicius qu’il faloit haſter les choſes, le rencontra : & luy aprenant que tout le Peuple par la ſeule veuë de Galerite eſtoit tout diſpoſé à ſe ſouleuer, luy fit changer d’auis, & prendre la reſolution d’entrer à Perouſe : & en effet apres auoir enuoyé de nouueaux ordres aux Troupes d’auancer diligemment ; Porſenna, à la Teſte de ces quatre cens Cheuaux, entra dans la ville, apres que Sicanus en euſt eſté aduertir tous les Amis d’Aronce, qui eſtoient chez la Princeſſe des Leontins. Mais comme il leur diſoit la choſe, ils reçeurent aduis de
Page:Madeleine de Scudéry - Clélie, histoire romaine - Volume 02.pdf/145
Le texte de cette page a été corrigé et est conforme au fac-similé.
