ſon Ayeul & ſon Pere, parloit tantoſt à l’vn, & tantoſt à l’autre, pour regler leurs conditions, Galerite y ioignant ſes prieres, fit que toutes choſes ſe pacifierent. Mais durant que cette Princeſſe parloit, Celere qui eſtoit demeuré dans ce Cabinet, aprit en deux mots à Aronce, comment Porſenna eſtoit ſorty de ſa Priſon. Il luy aprit donc que Nicius auoit quitté l’Iſle des Saules : & eſtoit allé deſguiſé aprendre en ſon nom à tous les Chefs de cette petite Armée, qu’il auoit renduë victorieuſe, que le Fils de Porſenna paroiſtroit bien toſt : & qu’il faloit qu’ils ſe preparaſſent à ſauuer la vie de ce Roy, ſi Mezence entreprenoit de le perdre : & que comme ces Troupes eſtoient alors campées aſſez prés du Chaſteau où ce Prince eſtoit gardé, il s’eſtoit rencontré que ceux qu’il auoit enuoyez le matin pour le faire conſentir à la
Page:Madeleine de Scudéry - Clélie, histoire romaine - Volume 02.pdf/142
Le texte de cette page a été corrigé et est conforme au fac-similé.
