Page:Madeleine de Scudéry - Clélie, histoire romaine - Volume 02.pdf/139

ſium, ie ne feray rien de ce que vous dittes : & ie me contenteray, quoy que ie ſois Maiſtre de voſtre vie, de redonner la liberté à la Reine voſtre Fille, de retirer mon Fils de voſtre puiſſance, de m’en retirer moy meſme, & de rentrer dans mon Eſtat, ſans vouloir vſurper le voſtre. Ie vous promets meſme vne Paix eternelle entre nous, ſi vous ne me forcez à vous faire la Guerre : & pour vous teſmoigner que ie veux faire ce que ie dis, ie vous declare que toutes vos Troupes eſtant en ma diſpoſition, ie m’en vay me mettre à leur Teſte, iuſques à ce que vous m’ayez reſtitué les Places que vous tenez à moy : que ie vay emmener & ma Femme & mon Fils ; & que dés que vous aurez donné vos ordres pour ce que ie viens de vous dire, ie vous laiſſeray Maiſtre de voſtre Eſtat, & que ie vous rendray vos Troupes, ſans