teſmoignaſt eſtre capable de le croire : parce qu’il reſolut en cét inſtant de ne reconnoiſtre iamais Aronce, ſoit que Porſenna fuſt mort ou viuant : car ſi Porſenna eſt mort, diſoit il, ie ne dois pas reconnoiſtre vn Prince pour mon ſucceſſeur, de qui i’auray fait mourir le Pere : & ſi Porſenna eſt viuant, ce ſeroit trop fortifier ſon Party, que de luy donner vn Fils du merite d’Aronce. Mais pendant qu’il raiſonnoit ainſi, Sextilie s’aprochant d’Aronce & de Galerite, qui parloient enſemble, demanda à ce Prince ce que Mezence l’auoit obligée de luy demander : de ſorte qu’Aronce, qui auoit l’ame ſi grande qu’il ne pouuoit iamais eſtre eſbranlé par nulle attaque de la Fortune, pourueû que l’amour ne s’en meſlaſt point ; luy repaſſa en peu de paroles, & ſa naiſſance, & ſon exil, & ſon naufrage, & tout ce qui luy eſtoit arriué. Si bien que
Page:Madeleine de Scudéry - Clélie, histoire romaine - Volume 02.pdf/135
Le texte de cette page a été corrigé et est conforme au fac-similé.
