à fait aſſuré de Tiberinus, il donna ordre à vn de ſes Amis de ſçauoir ſes ſentimens là-deſſus. Si bien que Tiberinus ſe trouua alors en vn embarras terrible : car il auoit vne amour violente dans le cœur, & il auoit auſſi de l’ambition. Ne ſçachant donc d’abord luy meſme ce qu’il vouloit, il fit vne reſponce ambiguë qui ne concluoit rien : mais vn moment apres l’auoir faite, ſon amour l’obligea de s’en repentir, & de la changer. Il ne demeura pourtant pas encore d’accord auec luy meſme : car dés qu’il eut dit qu’il ne conſentoit point à ce qu’on luy propoſoit, il trouua qu’il s’eſtoit trop haſté : & que du moins il deuoit attendre à refuſer de ſatiſfaire ſon ambition, qu’il ſçeuſt s’il pourroit ſatiſfaite ſon amour. Cependant comme le hazard auoit fait qu’Aronce auoit ſçeu la propoſition qu’on deuoit faire à Tiberinus,
Page:Madeleine de Scudéry - Clélie, histoire romaine - Volume 02.pdf/115
Le texte de cette page a été corrigé et est conforme au fac-similé.
