ſeſperé, ne ſçachant que faire, ne vouloit pas meſme ſonger à aller faire penſer la bleſſure qu’il auoit reçeuë : lors qu’il vit tout contre luy un homme de qualité conduit par cét Eſclaue de Mezence, qui luy dit que ce Prince eſtant reuenu à luy vn moment apres qu’il l’auoit eu quitté, auoit commandé qu’on euſt autant de ſoin de celuy à qui il deuoit la vie, que de ſa propre perſonne, & que c’eſtoit pour cela qu’il le cherchoit : cét homme, qui ſe nommoit Sicanus, adiouſtant qu’il le prioit de ſe laiſſer donc conduire dans vn Bateau qui n’eſtoit qu’à cinquante pas de là, afin de pouuoir eſtre porté à l’Iſle la plus proche, où il trouueroit toute ſorte d’aſſiſtance. Car enfin, pourſuiuit Sicanus, comme il ne s’eſt trouué qu’vn Chariot pour reporter le Prince Mezence à Perouſe, & qu’il
Page:Madeleine de Scudéry - Clélie, histoire romaine - Volume 01.pdf/65
Cette page a été validée par deux contributeurs.
