Page:Madeleine de Scudéry - Clélie, histoire romaine - Volume 01.pdf/631

reſts, quoy qu’à dire les choſes comme elles ſont, ce ſoit vne entrepriſe aſſez difficile. Vous auez tát d’adreſſe & tant de charmes, reprit Aurelie, qu’il ne faut deſeſperer de rien : & vous eſtes ſi genereuſe, adiouſta Sicanus, qu’on doit tout attendre de vous, en vne pareille rencontre. En verité, repliqua-t’elle, ie ne merite pas grande loüange d’eſtre capable d’auoir de la compaſſion des malheurs d’autruy : car celle que vous auez des miens me conſole ſi ſenſiblement, que ie ne pourrois ce me ſemble refuſer la mienne à vn illuſtre malheureux ſans auoir de la cruauté. Apres cela Celere voyant qu’il eſtoit tard ſe leua, & s’en alla retrouuer Aronce : aupres de qui il trouua Nicius & Martia, qui l’aſſurerent que le lendemain les principaux