Page:Madeleine de Scudéry - Clélie, histoire romaine - Volume 01.pdf/610

voulu donner toutes ſes Pierreries à ſon Fils, n’auoit pas ſongé dans le trouble où elle eſtoit alors, à oſter ces deux Portraits de ces deux Nœuds de Diamans qui eſtoient faits auec vn tel artifice qu’on ne s’aperceuoit point qu’ils s’ouuroient, à moins que de ſçauoir le ſecret pour les ouurir. De ſorte Madame, que Clelius qui ſçauoit le long temps qu’il y auoit que ces Pierreries eſtoient en ſa puiſſance ; qui voyoit cette reſſemblance d’Aronce auec vn de ces Portraits ; qui aprenoit par Nicius, & par Martia, des circonſtances de ſon naufrage tout à fait particulieres ; qui voyoit vne petite marque à vne main d’Aronce, telle que Nicius diſoit que la Reine ſa mere en auoit vne au viſage, & telle que la deuoit auoir l’Enfant qu’il auoit perdu ; ne pouuoit pas douter de ce que diſoient & Nicius, & Martia : qui auoient