de nous trouuer en cét eſtat ; & de voir vn homme à demy mort à nos pieds ; d’en voir vn autre qui ſembloit demander pardon ; & de nous voir Aronce & moy auec chacun vn Poignard à la main : mais le Pere de Clelie le fut bien encore dauantage, lors que prenant la parole le premier ; voyez Clelius, lui dis-ie, voyez par ce qu’Aronce vient de faire pour vous ſauuer la vie, s’il merite que vous luy donniez la mort : car i’auois bien compris par ce qu’Aronce auoit dit, que c’eſtoit pour l’intereſt de Clelius qu’il auoit attaqué ces deux hommes. Clelius eſtant donc alors fort eſtonné d’entendre ce que ie luy diſois, ne ſçauoit que me reſpondre : mais Aronce le tirant de cét eſtonnement, luy aprit en deux mots & ſans exageration ce qui luy venoit d’arriuer : de ſorte que Clelius fut ſi ſenſiblement touché de voir qu’vn moment
Page:Madeleine de Scudéry - Clélie, histoire romaine - Volume 01.pdf/566
Cette page a été validée par deux contributeurs.
