Page:Madeleine de Scudéry - Clélie, histoire romaine - Volume 01.pdf/380

dans l’eſprit qui le faiſoit reſver : car il ne me connut point. Et en effet Madame, il faut que vous ſçachiez, que la reſponce de Clelie l’auoit horriblement embaraſſé : car il ſçauoit bien qu’il n’auoit parlé à perſonne de l’amour qu’il auoit pour elle, ny de la Lettre qu’il luy auoit eſcrite : de ſorte qu’il ne ſçauoit que penſer de ce qu’elle luy eſcriuoit : puis que de quelque coſté qu’il regardaſt la choſe, il n’y trouuoit point de vrayſemblance. Cependant il ſentoit ie ne ſçay quoy dans les paroles de Clelie, qui luy faiſoit croire qu’il n’auoit aucune part en ſon cœur : il eſtoit pourtant perſuadé qu’il auroit droit d’y en pretendre, s’il n’eſtoit point engagé : ſi bien que penſant alors à ce qu’il n’auoit iamais penſé, il chercha s’il eſtoit poſſible que Clelie aimaſt quelqu’vn : mais apres auoir examiné la choſe, il trouua