font ces Femmes qui font profeſſion d’eſtre belles, elle ne laiſſe pas d’auoir ie ne ſçay quelle noble audace, qui ſied bien à la beauté : & qui ne laiſſe pas lieu de douter qu’elle connoiſt quelle eſt la ſienne : mais elle l’a d’vne maniere qui fait voir qu’elle croit auoir encore quelque choſe de plus conſiderable ; & que ce n’eſt pas par là ſeulement qu’elle pretend eſtre digne d’eſtre eſtimée : ainſi ie ne ſçay pas trop bien comment Genutius peut trouuer qu’il manque quelque choſe à cette merueilleuſe Perſonne. Il eſt quelquesfois ſi agreable de faire diſputer Arricidie, repliqua-t’il, que vous ne deuez pas trouuer eſtrange ſi ie l’ay contredite en quelque choſe : ce n’eſt pas, adiouſta-t’il, que ie ne ſois contraint d’aduoüer, que ie ne ſuis pas tout à fait ennemy de certaines petites affectations qui donnent vn air galant à quelques Femmes.
Page:Madeleine de Scudéry - Clélie, histoire romaine - Volume 01.pdf/334
Cette page a été validée par deux contributeurs.
