entre elle & luy vne familiarité plus grande, qu’entre Horace & elle, quoy qu’il fuſt Romain : & quoy que Clelius luy commandaſt de viure aueque luy comme ſi elle euſt eſté ſa Sœur. Les choſes eſtant donc en ces termes, il y eut quelques Factions à Carthage qu’il n’eſt pas neceſſaire que ie m’amuſe à vous deſmeſler, d’où l’illuſtre Prince que ſuiuoit Amilcar eut quelque part : ſi bien que l’intereſt de ſes affaires l’obligeant de ſe retirer à Vtique qui eſt à luy, il s’y retira ſuiuy de toutes ſes Creatures. De ſorte qu’Aronce trouuant cette occaſion de s’eſloigner de Clelie, pour taſcher de voir ſi l’abſence le pourroit guerir, le ſuiuit, & ie le ſuiuis auſſi bien que luy. Pour Clelius il conſentit volontiers qu’Aronce à qui la Fortune ſembloit n’auoir laiſſé aucun eſtabliſſement, en cherchaſt vn aupres d’vn grand Prince :
Page:Madeleine de Scudéry - Clélie, histoire romaine - Volume 01.pdf/259
Cette page a été validée par deux contributeurs.
