charmé de ſon langage : & en effet ce Prince s’eſtoit donné la peine d’aprédre la Langue Romaine, ſeulemét pour pouuoir parler de ſon amour à Clelie. En effet i’ay ſçeu ce matin par luy meſme, qu’il s’eſtoit ſeruy de l’eſtude qu’il en faiſoit, pour parler la premiere fois de ſa paſſion à cette belle Perſonne : car comme il venoit de quitter vn homme qui eſtoit à Clelius, qui la luy aprenoit, il feignit en s’entretenant ſeul auec elle, durant que Sulpicie parloit à d’autres Dames, d’auoir oublié quelques enſeignemens qu’il luy auoit donnez. Si bien qu’il ſe mit à luy faire diuerſes queſtions : luy diſant qu’il luy ſeroit bien obligé, ſi elle vouloit eſtre ſa Maiſtreſſe. Comme la Langue que vous voulez aprendre, luy dit-elle, m’eſt preſque auſſi eſtrangere qu’à vous (quoy que ie l’aye apriſe au Berçeau) puis que ce n’eſt pas
Page:Madeleine de Scudéry - Clélie, histoire romaine - Volume 01.pdf/212
Cette page a été validée par deux contributeurs.
